Historia de gentibvs septentrionalibvs, earvmqve diversis statibvs, conditionibvs, moribvs, ritibvs, svperstitionibus, disciplinis, exercitiis, regimine, victu, bellis, structuris, instrumentis, ac mineris metallicis, & rebus mirabilibus, necnon vniuersis penè animalibus in septentrione degentibus, eorumq́; natura. Opvs vt varivm, plvrimarvmqve rervm cognitione refertvm, atqve cvm exemplis externis, tum expressis rerum internarum picturis illustratum, ita delectatione iucunditatéque plenum, maxima lectoris animum voluptate facilè perfundens

LIBER QVINTVS₁₉₁

crepidas parat: quas abietino gummi, interfusis mixtim arenis, obliniens, quo firmius vestigia poneret, suis suorumque pedibus adaptavit. Posteastatuto tempore cum suis congelati maris campum aggressus, Grepios omnes, eorumque commilitones lubrico, instabilique gradu titubantes, crepidarum firmitate subnixus prostravit. Gutmaram deinde Grepiorum matrem, lingua verbisque procacissimam, responsionum calliditate superavit, coëgitque, vt eximium auri pondus victa victori donaret. Petitus deinde cum propria consorte dormiens, per duos sicarios ad mortem, rumore percepto evigilans, seque defendens, vtrunque, etiam vxore arma stringente, interemit.

De duello pugilum.

CAP. XXV.

EXISTIMABANT Gothorum pugiles, nullum certaminis genus efficacius esse ad capessendam fortitudinis palmam, quam duellum: propria etenim virtute subnixum, alienæ manus opem excludebat. Iamque receptum erat ab omnibus ordinibus, vt pro victo haberetur, quicunque eam pugnæ fortem recusabat: vt Regibus, & principibus sempiterno opprobrio daretur, si illud ( Quamvis ab infimæ fortis hominibus provocati ) abnuissent. Veterum enim claritudo principum, ex armis potius, quam ex opibus existimabatur, præsertim vbi paucorum forte exequi posset, quod vniverforum discrimine sedari nequiret. Tantusque erat illis ardor duello congrediendi, quanta solet esse voluptas effœminatis proceribus ad lauta convivia invitari. Quippe tunc convivalibus gaudiis alacrius indulserunt, cum convivium duello absolvendum erat. Donabantur victores singulari fortitudinis gloria, Martis hedera redimiti: præmiis victricibus decorati, virtutis laudem promeverunt: ignavus palma caruit, rediitque inglorius armis: vitæ deformitas extremum dedecus: summa infelicitas inertes commitabatur. Enimuero quemadmodum Romani suos Camillos, Curios, Fabricios, Calatinos, Scipiones, Marcellos, Maximos, Paulos, Marios, summis laudibus ob res gestas extulerunt: ita Aquilonares fortia facta suorum sempiterna

I marginalen: Gummi abietinum. Maris congelati campus. Gutmata. Auri pondus. Duellum. Claritudo veterum. Ardor duelli. Præmia victoriæ. Ignavi palma carent. Romani.