Tillbaka Read Runeberg

Historia de gentibvs septentrionalibvs, earvmqve diversis statibvs, conditionibvs, moribvs, ritibvs, svperstitionibus, disciplinis, exercitiis, regimine, victu, bellis, structuris, instrumentis, ac mineris metallicis, & rebus mirabilibus, necnon vniuersis penè animalibus in septentrione degentibus, eorumq́; natura. Opvs vt varivm, plvrimarvmqve rervm cognitione refertvm, atqve cvm exemplis externis, tum expressis rerum internarum picturis illustratum, ita delectatione iucunditatéque plenum, maxima lectoris animum voluptate facilè perfundens

Originalsida 719
Originalsida 719
Originalsida 718
Originalsida 719
718–719

Sida 719

Cap. XXIII. Adhuc de diuersis generibus Piscium

LIBER XX.719

totius corporis : & dicitur clauæ figura assimilari . Reor illum Gothico vulgari dici Simpa : niger,sive fuscus est piscis, sub lapidibus delitescens, pedalis longitudinis , rubeum epar post cocturam habens.

Adhuc de diversis generibus Piscium. CAP.XXIII.

CARPIONES astutum genus piscium, caput in fundum ne capiantur mittentes , in Septentrionalibus aquis non reperiuntur . Gobio est pisciculus fluviatilis, albus, sed nigris maculis respersus, in Orientali Finlandia prope Viburgum pedalis longitudinis : idoneus cibus castrensi rigori , dum sole siccatus est. Muræna piscis notus, vtriusque sexus, cum serpente(teste Ambrosio ) coit , sibilo eius de aquis evocata : quod Alberto haud placet: extra aquam vt anguilla non vivit . Genus murænarum triplex est : vnum pedalis longitudinis : alterum bipedalis , quod oculata vocatur: tertium tripedalis , quod in coctura indiget speciebus multis. . De muræna Volateranus lib. XXV. satis pulchra dicit. Septem slellas aureis maculis vivæ dorsotenus habent. Mugil piscis notus, similis lupo,cum quo æstate, vt socius,& hyeme vt hostis manet. Mullus piscis est lati capitis,longitudine VI.vel VIII. pedum,Suctiæ lacum, Meler dictum, inhabitans, Germanis VVelss dictus. Pungius omnium piscium minimus, duas habet lanceolas, vnam hinc ,& aliam inde in radicibus pinnarum ventris . Tencha cubitalis longitudinis, in multis lacubus Septentrionis reperitur , licet in parva sit æstimatione , propter viscosam pellem ,& escam putrescentis terræ. Præterea compertum est sæpius mare Livonicum , sive Finnonicum, ingredi pisces peregrinos maris Pontici , per vastissima flumina Moschoviæ , ac Russiæ descendentes , etiam a mari Caspio quod plures specus , & subterraneos meatus habet, vt Strabo testatur. Sunt & alia genera piscium ignoti nominis & naturæ , non autem saporis,quoniam sæpius capta piscantibus gratissimum comedendo saporem exhibuere .

I marginalen: Simpa Gothice piscem quemdam designat. Carpiones. Gobio. Muræna. Mugil. Mullus . Pungius. Tencha. Pisces perigrini ingrediunt mare Livonicum Pisces ignoti nominis , sed non saporis.

Källa: Alvin · ·