Tillbaka Read Runeberg

Historia de gentibvs septentrionalibvs, earvmqve diversis statibvs, conditionibvs, moribvs, ritibvs, svperstitionibus, disciplinis, exercitiis, regimine, victu, bellis, structuris, instrumentis, ac mineris metallicis, & rebus mirabilibus, necnon vniuersis penè animalibus in septentrione degentibus, eorumq́; natura. Opvs vt varivm, plvrimarvmqve rervm cognitione refertvm, atqve cvm exemplis externis, tum expressis rerum internarum picturis illustratum, ita delectatione iucunditatéque plenum, maxima lectoris animum voluptate facilè perfundens

Originalsida 376
Originalsida 376
Originalsida 376
Originalsida 377
376–377

Sida 376

Cap. XIX. De vehiculis igniferis

376DE BELLIS GLACIALIB.

ipso gurgite liquefacta glacie firmiter permanere, additis lembis, seu lyntribus, alioque

navigiorum genere, quo peritissimi sagittarii rates hujusmodi valeant defensare, & nocturnas vigilias, ne quisquam obsessorum evadant, diligenter observare. Idemque faciunt campestribus propugnaculis vbique præsidentes. Pari enim atrocitate persequuntur obsessos, quorum impia crudelitate ad tantum vindictæ ardorem diutius fuerant provocati. Quo fit, vt pro majori parte tam duris custodiis constricti, sæpe imaginantur an gladio, an laqueo, an aqua, an igne, an præcipitio, an veneno, an mutuo jugulo seipsos occidant, exemplo Romanorum, quos L. Florus secundo bello Punico vrgente Hannibale his verbis commemorat periisse: Interim iam novem mensibus fessi fame, machinis, ferro, & igne, versa denique in rabiem fide, immanem in foro excitant rogum, tum desuper se, suosque cum omnibus opibus suis ferro, & igne corrumpunt.

De vehiculis igniferis.

CAP. XIX.

CVM Gothis, ac Sueonibus glacialis pugnam per equestres, vel pedestres turmas a Moschovitis, Danis, Germanis, vel internis hostibus intentantur, iidenique hostes diutius ad vim inferendam suas munitiones in faucibus montium, vel vallium collocare disponunt, vnde irruptiones faciant in regnicolas, qui pro sui defensione simili proposito in armis congregati, ne eisdem hostibus tantillulum digrassandi spatium temporis, vel locum concedant, ingeniis & viribus vtuntur opportunis: tunc vehicula oblonga aridis sarmentis, & cæteris combustibilibus materiis replent, vt aterrimum fumum, intolerabilemque fœtorem igne ( directorum audacia ) accenso, attractuque equorum sylvestrium, & furiosorum inimicis opponant: idque celerius committitur, quo collateraliter equi ligati ardore ignis retropositi stimulantur ad cursum, nec currere desinunt, donec hostilem aciem turbaverint, vt vel eo loco, vel alibi a latere armatis incolis impetuosissime insultantibus cedant, vel eosdem fugam simulantes, quasi certi victores insequantur, vt sic educti, dispersique potius secretis glacierum voragimbus, quam

I marginalen: Vigiliæ nocturnæ. · Varia obsessorum miseria. · Mors ardua vidis. · Hostes Aquilonarium incolarum. · Vehicula ignifera. · Equi sylvestres & indomiti. · Fuga simulata.

Källa: Alvin · ·