Historia de gentibvs septentrionalibvs, earvmqve diversis statibvs, conditionibvs, moribvs, ritibvs, svperstitionibus, disciplinis, exercitiis, regimine, victu, bellis, structuris, instrumentis, ac mineris metallicis, & rebus mirabilibus, necnon vniuersis penè animalibus in septentrione degentibus, eorumq́; natura. Opvs vt varivm, plvrimarvmqve rervm cognitione refertvm, atqve cvm exemplis externis, tum expressis rerum internarum picturis illustratum, ita delectatione iucunditatéque plenum, maxima lectoris animum voluptate facilè perfundens

₆₂₂DE ANIMAL. SYLVES. De Vrsis artificiose interficiendis. CAP. XXV. DE nigris, ac ferocibus vrsis, in Aquilonaribus regnis capiendis, is seruari solet modus, vt, cum in autumno maturis certis arborum rubeis fructibus, instar vuarum conglomeratis, arbores ascendendo, vel humi stando, arbore ad terram tracta, vescitur, sagax venator ballistis adaptatas latas sagittas, quæ pilos bene penetrent, in eum relaxet: ex quo terrore, & vulnere, tantum subito concutitur, vt impetu quodam esos fructus quasi grandines, & lapillos per secessum emittat: & mox in occurrentem statuam, instar hominis, vel spectri, ex industria collocatam irruit: atque in ea dilanianda laborat, donec aliam lethalem recipiat sagittam ab ipso venatore, post saxum, vel arborem sese abscondentem. Mira etenim furia accepto vulnere: atque viso sanguine, quodcunque occurrens ferit, & maxime ipsa vrsa, quando catulos alit.

I marginalen: Modus venandi vrsos. · Vrsus nimium terretur. · Vrsa sævit raptis catulis.