Historia de gentibvs septentrionalibvs, earvmqve diversis statibvs, conditionibvs, moribvs, ritibvs, svperstitionibus, disciplinis, exercitiis, regimine, victu, bellis, structuris, instrumentis, ac mineris metallicis, & rebus mirabilibus, necnon vniuersis penè animalibus in septentrione degentibus, eorumq́; natura. Opvs vt varivm, plvrimarvmqve rervm cognitione refertvm, atqve cvm exemplis externis, tum expressis rerum internarum picturis illustratum, ita delectatione iucunditatéque plenum, maxima lectoris animum voluptate facilè perfundens

₆₁₄DE ANIMAL. SYLVES.

etiam vsu gentium Aquilonarium pelles earum sunt, ad fimbrias ( propter corii

tenacitatem ) vestium ampliandas. Numero decadum, vt castorinæ, atque vulpinæ, seu mardurinæ &c. divenduntur: carbonibusque, & piceo sumo falsificantur, vt appareant nigredinem tenere resplendentem: sed mox linteo albo attritæ, colore relicto sophisticationem ostendunt. Ita & luporum pelles carbone, ac creta pulverisatæ, linteo confricatæ, demonstrant falsificationem. Ita & sciurinæ ( Dosse Italice dictæ) pelles, creta respersæ, seipsas panno adhibito atro ostendunt, quis naturæ, vel artis color sit inveniendus, & æstimandus, vt supra lib. VI cap. fi. nonnihil est dictum. De Sciuris. CAP. XVII.

HORVM animalium minutorum infinita est multitudo in Septentrionalibus sylvis, pilorum densitate & colore distincta: vna adiecta infallibili regula, quod quanto magis tractus terrarum vergit ad Septentrionem, tanto pulchriores, frigore causante colorem, sunt harum bestiarum pelles, sub elevatione poli scilicet 77. graduum incipiendo versus supremum polum: in quo spatio venatores magis fatigantur, quam satiantur, hac infinita præda vbique in arboribus, veluti grege piscium in aquis abundante, ea præsertim commoditate, quod arbores non sunt sublimes, in quibus hæc animalia ludunt. Sed reflectendo ad Meridionalem regionis situm, quanto magis reditur ad Austrum, tanto deteriores, & magis fuscæ occurrunt pelles. Caro hujus bestiolæ assa, venatoribus est pro esca suavi. Dentes vero præstigiatoribus serviunt, vt iis detegant futuros eventus.

Adhuc

I marginalen: Pelles falsificantur. · Pelles sciurinæ. · Sciuri innumerabiles in aquilone. · Regula notanda. · Arboret humiles. · Regula. Dentes præstigiosi.