Tillbaka Read Runeberg

Historia de gentibvs septentrionalibvs, earvmqve diversis statibvs, conditionibvs, moribvs, ritibvs, svperstitionibus, disciplinis, exercitiis, regimine, victu, bellis, structuris, instrumentis, ac mineris metallicis, & rebus mirabilibus, necnon vniuersis penè animalibus in septentrione degentibus, eorumq́; natura. Opvs vt varivm, plvrimarvmqve rervm cognitione refertvm, atqve cvm exemplis externis, tum expressis rerum internarum picturis illustratum, ita delectatione iucunditatéque plenum, maxima lectoris animum voluptate facilè perfundens

Originalsida 561
Originalsida 561
Originalsida 560
Originalsida 561
560–561

Sida 561

Cap. XLII. De pacifica gubernatione bonorum Principum, & perculo malignorum

LIBER XVI. 561 De dignis personis Ecclesiæ restituendis, ac indignis repellendis. CAP. XLI.

QVOD autem de personis dignis, & honestis Ecclesiæ restituendis, vel præficiendis, vna cum ablatorum bonorum restitutione, dictum est, maximam habet annexam necessitatem: quia ex earum præsentia, veluti hominum assidue Deum pro publica salute deprecantium, pax, & amicitia pariter, & omnium rerum abundantia revertetur. Nec formidanda erit discordia fratrum Regiorum, aut filiorum nobilium, quando tales adsunt mediatores, qui eos indulci concordia fovere velint, & poterint, ne mutuo se lacerent, velut bestiæ in solitudine congredientes: quemadmodum in Aquilonaribus regnis iam iam imminet: & nisi Deus placatus averterit, discordia hæc ( ablatis regni thesauris ) paritura videbitur irreparabilem perniciem, & confusionem. Tuncque in tormentis aperient oculos, & dicent, Merito hæc patimur, dum nullam commiserationem cum conservis nostris bonis omnibus spoliatis, atque ejectis ) haberemus. Tunc etiam intelligent, quomodo irreligio, & violentia numinibus, ac sævitia, & irrisio hominibus sit invisa, ac odiosa. Nec deerit huic rei exemplum in gente Longobardorum, Gothorum sobole: quæ vt Paul. Diaco, lib. V. cap. VI. refert, oraculo divino contemptui habito, penit, dum divi Ioannis Baptistæ Basilicam in Modicia constitutam, per viles personas ordinari permisit, ita vt indignis, & adulteris, non pro vitæ merito, sed præmiorum datione, iisdem locus venerabilis largiretur. Quid autem nunc fieret superbis contemptoribus, & Ecclesiarum impiis jacrilegis, si Deus vltionum eos, eorumque apostatas, Ecclesiarum occupatores, disperderet, & puniret ? & vtique nisi pœnituerint puniet eos. Refert etiam antiquus, & fidelis autor Sigebertus, quod Clodoveus Rex Franciæ, corpus sancti Dionysii Parisiensis discooperiens minus religiose, licet avide, os brachii eius fregit, & rapuit. moxque in amentiam perpetuam incidit. Quid vero tam audacibus, & atrocibus religionis (nostri infelicissimi temporis) persecutoribus, & sacrilegis justa Dei retributione eveniet, ab eo infallibiliter expectant, qui dixit: Nolo mortem peccatoris, sed vt convertatur, & vivat. Caveantque scriptum fore: Potentes potenter tormenta patientur &c. Et quod horrendum sit incidere in manus viventis Dei. Interim tamen dum aliena injuste surripiunt, propriis spoliantur.

De pacifica gubernatione bonorum Principum, & periculo malignorum. CAP. XLII.

ETSI nonnunquam boni Principes ob demerita subditorum (quorum maxime intererit, vt diutius vivant) Deo permittente, e medio subtrahuntur, immo & filii eorum præmatura morte, vt parentes in alio seculo. excipiant, rapiuntur: tamen ea felicitas Aquilonaribus indigenis obvenerat, vt gubernantibus piissimis Principibus(quod rarius profecto acciderat) omnium securitas, atque pacis, & rerum opulentia abundaret: idque obvenerat ob causas superius lib. VIII. cap. IIII. de qualitate boni Regis allegatas. Insuper hic additur, quod

I marginalen: Restitutio bonorum ministrorum. Mediatores idonei. Prophetia. Irreligio et violentia. Metropolis vpsalen lib. 3. in vita Olai archiepiscopi hæc habet. Clodoveus rex Franciæ ames factus perpetuo. Admonitiones prævidendæ. Principes boni salus populi sunt. Præsidentia bonorum principum valde vtilis.

Källa: Alvin · ·