Historia de gentibvs septentrionalibvs, earvmqve diversis statibvs, conditionibvs, moribvs, ritibvs, svperstitionibus, disciplinis, exercitiis, regimine, victu, bellis, structuris, instrumentis, ac mineris metallicis, & rebus mirabilibus, necnon vniuersis penè animalibus in septentrione degentibus, eorumq́; natura. Opvs vt varivm, plvrimarvmqve rervm cognitione refertvm, atqve cvm exemplis externis, tum expressis rerum internarum picturis illustratum, ita delectatione iucunditatéque plenum, maxima lectoris animum voluptate facilè perfundens

LIBER QVINTVS₁₉₇

Odenato, multorum gravi sententia fuisse fortiorem, mulierem omnium Orientalium fœminarum nobilissimam, ac ( Cornelio Capitolino teste ) speciosissimam: de qua inferius nonnihil illustrius ostendetur. Refert etiam Vincen. in spe. histo. lib. XXX. cap. XCIII. mulieres Giorgianorum equestris ordinis ad prælium fore doctas. Refert & Herodo. lib. IIII. ad longum, Amazones arcu tela excutere, jaculari, & equitare, & muliebria opera ignorare. Præterea venatum ire equis insidentes, atque adeo in prælium cum stolis proficisci, quemadmodum viri. Sed postquam admisere virorum connubia in extrema Scythia Europæ habitantes, nulla virgo nubit, priusquam aliquem hostium interemerit. Ideoque nonnul læ earum decedunt iam vetulæ antequam nubant, quod legi satisfacere nequeant.

De bellis illustrium mulierum.

CAP. XXX.

NON est admirationi, aut ineredulitati leviter tribuendum, Gothicas præsertim mulieres olim maxima gessisse bella, dum ab ipsis cunabulis moribus severis, & militaribus disciplinis educabantur, atque virtutis nervos non luxuria, turpitudjne, aut petulantia, sed armorum exercitiis, quasi singulo momento instrui permitterentur: vt delicatum vivendi genus adhorrentes, corpus, animumque patientia, ac labore durare valerent, totamque fœmineæ levitatis mollitiem abiicere, atque muliebre ingenium in virilem sævititiam commutare: præcipue quarum ingenii vgor, aut corporum agilitas majoribus signis spectatior apparebat. Hæ siquidem perinde ac nativæ conditionis immemores

I marginalen: Mulieres Giorgianorum. Amazonum arma. Vetulæ fiunt nullum occidentes. Fœminæ a cunabulis in armis educatæ. Signa ferocitatis et agilitatis.