Tillbaka Read Runeberg

Historia de gentibvs septentrionalibvs, earvmqve diversis statibvs, conditionibvs, moribvs, ritibvs, svperstitionibus, disciplinis, exercitiis, regimine, victu, bellis, structuris, instrumentis, ac mineris metallicis, & rebus mirabilibus, necnon vniuersis penè animalibus in septentrione degentibus, eorumq́; natura. Opvs vt varivm, plvrimarvmqve rervm cognitione refertvm, atqve cvm exemplis externis, tum expressis rerum internarum picturis illustratum, ita delectatione iucunditatéque plenum, maxima lectoris animum voluptate facilè perfundens

Originalsida 712
Originalsida 712
Originalsida 712
Originalsida 713
712–713

Sida 712

Cap. XVI. De Piscatura equestrium piscatorum

712DE PISCIBUS. De Piscatura equestrium piscatorum. CAP.XVI.

MODVS hic piscandi supra glaciem,in magnis lacubus, & dulcibus aquis , ac finibus salsi maris , singulo quoque anno a mense Novembri in finem Martii , & amplius, quoties opus fuerit, pro multitudine piscium capiendorum observatur . Sive enim glacies spissa, sive nive cooperta, sive clara, sive lubrica, aut prout frigore constricta sit,apparuerit , aut quomodocunque natura eam produxerit , nunquam deest ingenium , aut voluntas publicæ vtilitati in necessariis rebus fideliter inserviendi. Ita frigus & æstum pariter æquo animo tolerant populi Septentrionales..Pro calcanda vero glacie, calceis tabulatis vtrisque pedibus congruentibus , ferreæ cuspides triangulares, æqualiter in glaciem lubricam cuspidibus versis alligantur : quo fit , vt ad omnem motum solidior figatur gressus, quemadmodum in firma terra . Si ferrum non adsit, nudis sotularibus sine cadendi formidine firmiter gradiuntur piscatores. In calceis vero corii vncti, nequaquam stabiliuntur pedes, propter gelu, quod corium hujusmodi illico induratum in glacialem lubricitatem convertit:maxime si rara nix vnius noctis , aut mediæ super glaciem sit respersa : quia hæc improvisum reddit casum in momento:alta vero, sive spissa, vestigiis solidiorem incessum et cursum permittit. Volentes igitur piscari sub glacie , duo magna foramina , latitudine VIII.vel X. pedum, centum & quinquaginta, vel CC. passibus , a seinvicem directo distantia, aperiunt : inter quæ XXX. vel XL. minora foramina , latitudine vnius pedis & semis , ab vtroque latere distantia XXX. pedum, intermedia constituunt : tum per ea a primo grandi foramine immissos funes hastis longis sub glacie dirigunt, directosque ad alterum magnum foramen , extremas horum funium partes sessoribus equorum extrahendos committunt : iniunguntque,vt eo velocius equos ad trahendum incitent, quo retia ad exitum properare videntur , ne pisces captos se sentientes , maxime lupi, impetuoso strepitu retia frangant , & evadant. Et sic extrahuntur plerunque pulcherrimo spectaculo, adeo grandi multitudine, & diverso genere pisces, vt non libra ( cujus vsus ibi non est ) sed integris plaustrorum, magnorumque vasorum mensuris dividantur.

I marginalen: Ingenium capiendorum piscium varium. · Modus calcandi glacie · Calcei vncti lubrici in glacie fiun · Casus improvisus in glaci · Mod' piscandi cum equis sub glaci · Lupi super omnes pisces retia irrumpere conantu · Pisces plaustris non mensuris dividuntur

Källa: Alvin · ·